طبيب نفسي يكشف سر رؤية حورية فرغلي الجن في

طبيب نفسي يكشف سر رؤية حورية فرغلي الجن في
(اخر تعديل 2024-03-23 21:28:14 )

كشف أستاذ الطب النفسي الدكتور جمال فرويز، سبب رؤية الفنانة حورية فرغلي الجن في منزلها.

وقال الدكتور جمال فرويز، في برنامج العرافة للإعلامية بسمة وهبة: في عندنا اضطراب في المخ بيظهر الاضطراب النفسي، وفي بعض الناس لما بيعلى عندهم، بيسمع صوت محدش بيسمعه غيره وبيحس بحاجات بتلمس جسمه.

وأضاف: دايما اللي بيشوف الحاجات دي مش بيكون عنده انفصام في الشخصية أو اضطراب ممكن ده نتيجة تعاطي المخدرات.

وكانت تحدثت حورية، في ذات الحلقة عن رؤية الجن في منزلها: أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب.

وتابعت: اشتريت الشقة 2013، في مرة كنت قاعدة في الشقة لاقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت.

وأوضحت: وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير.

وأكدت حورية: ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي.

لمشاهدة الحلقة اضغط هنا

اقرأ أيضًا: ظهور محزن للفنانة وفاء عامر بعد إصابتها في حريق لوكيشن تصوير مسلسل جودر