كشف حساب يحمل اسم منار الصفتي، تخيل جديد لشخصية سرحان عبدالبصير التي جسدها الزعيم عادل إمام في مسرحية شاهد مشافش حاجة.
وقالت منار الصفتي، عبر حسابها بموقع فيسبوك: قررت أخدك في رحلة، قادرة إنها تـدمر طفولتك الجميلة، لأنها قادرة تهدم كل تصوراتك عن الراجل الطيب إللي قضيت طفولتك معاه، وإللي اسمه -سرحان عبد البصير- الشاهد الغلبان إللي مشافش حاجة.. ماذا لو كان «سرحان عبد البصير» هو القاتل الحقيقي للرقا صة -عنايت.
وتابعت: لو شايف إنه السؤال ده، سؤال خيالي وبعيد عن المنطق، خليني أقولك سرحان عبد البصير» شخصية أبعد ما تكون عن شخصية الإنسان السوي، لأنه: شخص منعزل، شخص خجول بزيادة ومرتبك طول الوقت، شخص مش بيفهم الإشارات الاجتماعية العادية، إللي الناس بتقولها، علاقاته الإجتماعية تكاد تكون معـدومة.. بيتصف بالبرود في كتير من الأحيان. الأعراض ديه كلها بتوصف بوضوح، اضـ طراب الشخصية الشبه انفصاميه.
وأضافت: والشخصية ديه بتميل لحاجتين: الخيال: ومن الواضح إن لما الرقاصة «عنايات» كلمته بلطف وعزمته، خلت الخيال ده يميل ليها ويتصور قصة معاها..! الشـ ك: إنه دايماً عنده شـ ك من نية الناس تجاهه، وده بيظهر بوضوح في الجمل إللي كان بيقولها، وإللي أشهرها: -أنا اسمي مكتوب؟ الخيال والشك مع الصدمة إللي خدها لما الرقاصة طردتـه وحس بوجود حد تاني، خلت جانب تاني من شخصية «سرحان» المريضة يظهر ويقتل الرقاصة! وأكبر دليل المنديل بتاعه إللي كان في مسرح الجريمة! صحيح الأرنب جزء من شخصية سرحان، ولكن الأسد الجزء التاني من شخصيته، وإللي بيظهر في وقت الصدمات، زي ما حصل بعد صدمـ ته في المحكمة! ولما حاول يتحـرش بزميلته بعد صـدمته في المحكمة! سرحان مش شاهد مش علشان مشافش حاجة، ولكن علشان هو القاتـل الحقيقي.
اقرأ أيضًا: فيفي عبده تكشف تفاصيل جديدة عن أزمتها الصحية الأخيرة
