بعد غادة عبد الرازق..أزمة جديدة بين أحمد زاهر

بعد غادة عبد الرازق..أزمة جديدة بين أحمد زاهر

أحمد زاهر.. اسم وضع نفسه في مكان الفنانين المثيرين للجدل، أصبح لا يوجد مرة يظهر فيها أحمد زاهر في لقاء، إلا والموضوع ينتهي بزعل أو بخلاف، كان أخرهم مع غادة عبد الرازق.

إنما الخلاف المرة دي هيبقى مع نجوم كثير أوي مقابلهمش فنيا من زمان بس ده مينكرش أنهم أكيد هيزعلوا وخاصة أنهم دلوقتي بقوا نجوم كبار ومينفعش يعرضهم للتجريح بالشكل ده.

خرج أحمد زاهر في برنامج “تفاعلكم”، على قناة العربية، وقال أنه ندمان على أنه شارك في فيلم “كلم ماما”، واللي كان مع عبلة كامل ومنة شلبي و مي عز الدين ومها أحمد ودنيا عبد العزيز والراحل حسن حسني، الفيلم ده صنع نجومية كبيرة لمنة شلبي ومي عز الدين تحت إشراف عبلة كامل .

وقال أحمد زاهر عنه، انه ندم أنه اشتغل فيه، بس أوقات الواحد بيتجبر يشتغل في أعمال فنية بسبب الفلوس أو أي أسباب تانية مش شرط دايما اختياراته تبقلى صح مع أنه بيحاول يكون دقيق أوي في اختياراته.

مش بس ده الفيلم اللي ندم عليه، كمان قالا أنه ندم جدا على أنه شارك سامح حسين في فيلم “كلبي دليلي”، عشان وزنه فيه كان زيادة أوي وكان في فترة مرضه ومكنش يحب الناس توشفه بالشكل ده.

السؤال هنا أمتى أحمد زاهر هيخرج في حوار مصور وميثرش الجدل فيه ويمر بسلام.