بتضايقي لما حد يقولك أنك أكبر من محمد فراج؟..

بتضايقي لما حد يقولك أنك أكبر من محمد فراج؟..
(اخر تعديل 2024-03-08 16:35:23 )

حلت الفنانة بسنت شوقي، ضيفة برنامج تفاعلكم الذي تقدمه الإعلامية سارة الدندراوي، عبر شاشة قناة العربية.

وأكدت بسنت شوقي، خلال لقائها في البرنامج: بتضايق من الأسئلة عن حياتي الشخصية، بحس إن الناس متطفلة ومتدخلة جدًا في حياتي الشخصية والموضوع مؤخرًا بقى مزعج جدًا.

وأوضحت: زوجي محمد فراج متطرف جدًا في موضوع الأهلي والزمالك أكتر من والدي، ومستحيل يقبل أني أشجع الزمالك، وأنا بطلت أتفرج على الكرة المصرية من وقت أحداث بورسعيد.

وأضافت بسنت شوقي: بتضايق لما بيقولوا أني أكبر من زوجي محمد فراج لأنها مش حقيقة، لو كانت حقيقة مكنش هيبقى عندي مشكلة وهقول وهبقى فخورة جدًا لأننا بنعمل حاجة المجتمع شايف إنها مختلفة.

وأشارت إلى:أنا متفهمة إن الناس ممكن تكون بتضايق أني بتكلم إنجليزي أكتر من العربي، ولكن الفكرة دي البيئة اللي أنا اتربيت بيها حتى لو بنتخانق في البيت بنبرطم بالإنجليزي، وأنا حاولت كتير أصلح الموضوع والناس متخيلة أني بتمنظر ودي مش حاجة أنا فخورة بيها.