حل الفنان مصطفى أبو سريع، الساعات الماضية، ضيفا ببرنامج كلام الناس والذي تقدمه الإعلامية ياسمين عز عبر شاشة قناة MBC مصر.
وخلال اللقاء، فاجئ مصطفى أبو سريع الجميع بردوده القوية على تصريحات الإعلامية ياسمين عز المثيرة للجدل حول الرجال والأزواج.
“متتكلميش تاني”.. مصطفى أبو سريع يحرج ياسمين عز على الهواء
وانفعل مصطفى أبو سريع من حديث ياسمين عز عن الرجال وقال لها: “أنا جالي هبوط منك إيه اللي أنتِ بتقوليه دا دا وهم يا ياسمين متقوليش كده تاني، انتِ استفزيتي ناس كتير جدا بكلامك، ومفيش حاجة اسمها الفرعون الكبير والصغير والكلام دا مبيحصلش متفتحيش عين الرجالة على حاجات هما مش فاهمينها”.
وتابع:«يعني أي فرعون صغير وكبير، عايزة أي مننا يا ياسمين، ماله الفرعون الكبير والصغير، الكلام ده في الجنة».
وأضاف: «اللي انتي بتقوليه ده وهم، أوعي تقولي الكلام ده، خليكي واقعية في الكلام وعيشي الواقع، كنتي سبب في طلاق ناس كتير يا ياسمين، مينفعش ياحبيبتي».
من جانبها ردت ياسمين عز قائلة: “مش قادرة .. ول مرة حد يقولي كده وخصوصا راجل”.
وفي سياق متصل، كشف مصطفى : “جالي 700 إعلان بمبالغ ضخمة بسبب جملة المال الحلال أهو في مسلسل العتاولة”.
وفي وقت سابق، شنت الناقدة ماجدة خيرالله، هجوم على الفنان مصطفى أبو سريع، بسبب دوره في مسلسل “العتاولة” للفنان أحمد السقا وطارق لطفي، والذي تصدر التريند مؤخرا.
وكتبت ماجد خيرالله، في منشور لها عبر حسابها الشخصي على موقع التواصل الاجتماعي فيسبوك: «ياجماعه اللي بيعمله (مصطفي ابو سريع) لاعلاقه له البته بفن التمثيل”.
وتابعت: “هو احنا جري لنا ايه؟ هو اي جنان او تهريج يبقي تمثيل ؟راجع تاريخ الفن المصري محصلش الكلام ده ، في اسوأ عصور الفن !! كل اللي عملوا ادوار المجنون او المتخلف او السفيه محدش فيهم وصل لكده”.
وأضافت: “المبالغه الحركيه في الاداء تصلح لمهرجي السيرك ولو ان هذا الاسلوب تطور مع كثير من مضحكي السيرك في العالم، لايليق ان نعتبره فنا لمجرد انه صاخب ، بالنسبه لرتابة الآخرين».
اقرأ ايضا:
“أنا أسف”.. أول تعليق من أحمد السعدني بعد وفاة والده
