حلا شيحة تكشف سر غضب والدها منها وضربها بالقلم

حلا شيحة تكشف سر غضب والدها منها وضربها بالقلم
(اخر تعديل 2024-03-20 19:35:10 )

قالت الفنانة حلا شيحة: “أبويا ضربني مرة واحدة بس في حياتي، رغم إنه حنين جدا وطيب للغاية”.

وأضافت خلال لقائها ببرنامج “ع المسرح” المذاع على قناة “الحياة”: “جيت في مرة وكنا عايشين في العجمي كنا عايزين نخرج كلنا وبابا مكنش راضي فعملنا اتفاق اننا هنروح المشوار اللي هنروحه من غير ما هو يعرف بس نرجع بدري، بس المشكلة بقى اننا اتأخرنا وطبعا لما رجعنا سألني انتوا كنتوا فين؟ فقلت له كنا هنا جنب البيت، قاللي لأ انا عارف انكوا كنتوا في المكان ده فسكت طبعا”.

وتابعت: “هنا شيحة أختي أول واحدة جريت من قدام بابا بعد ما اكتشف اننا خرجنا بدون إذنه، في الآخر زعق معايا أنا وأخدت قلم منه ودي المرة الوحيدة اللي في حياته اللي مد ايده عليا وضربني غير كده مضربنيش تاني وهذا أول عقاب ليا في حياتي”.

ولفتت حلا شيحة: “الحاجة الوحيدة اللي كانت مضايقة بابا مني الكذب، وأنا بطبعي كبرت ومش بحب اكذب واللي حساه بقوله وبعمله ومعنديش حتة اني اعرف اكذب، ومبعرفش أخفي حاجة لإن بيظهر علي وشي علطول إني هكذب”.

مقالات أخرى قد تهمك

آخر مكالمة مع هيثم أحمد زكي.. ناهد السباعي تكشف تفاصيل لأول مرة

فاروق فلوكس يكشف سر لأول مرة عن فنان كبير: سرق روايتي وربنا وراني فيه آية