“مبقتش أصلي”.. مسلم يفاجئ الجميع باعترافات صادمة

“مبقتش أصلي”.. مسلم يفاجئ الجميع باعترافات صادمة
(اخر تعديل 2024-04-02 23:21:12 )

حل مطرب المهرجانات الشعبية مسلم، الساعات الماضية، ضيفا في برنامج أسرار الذي تقدمه الإعلامية أميرة بدر عبر شاشة النهار.

وخلال اللقاء قال مسلم: “انا اتبهدلت اوي عشان أرجع أغني وكان حلمي اوصل بموهبتي لهدف أقول اني هوصل وهعمل ده، بغض النظر عن تقديمي للقرآن“.

“مبقتش أصلي”.. مسلم يفاجئ الجميع باعترافات صادمة

وتابع: “مبقتنعش بكلام الشيوخ أن الغناء حرام والدين بتاعنا ده دين الأخلاق وربنا هيحاسب كل واحد على نواياه، ممكن أصلي ولكن في حاجات بتفوتني ومش زي الأول وبتمنى ربنا يهديني وأرجع تاني، وشغلي السبب في كده وده غصب عني وكفاية مسحول في حوار الجواز والخطوبة“.

وقال مسلم: الحمدلله رجعت لخطيبتي، وحقيقي كان صعبان عليا نفسي بسبب إني فركشت بعد أيام قليلة من خطوبتنا وفي ناس كتير هتشمت فيا.

وتابع: أنا انفصلت عن خطيبتي بسبب موقف حصل بينا، وأنا اتقمصت منها، يعني مكنش بسبب التريند زي ما الناس تخيلت، وأتمنى نكبر ونعقل ونكمل مع بعض.

وأوضحت: أنا خطبت بدري لأن في بنات كتير كانت حواليا، أو بمعنى أصح بعد ما طلقت مراتي لاقيت بنات كتير بتكلمني وبترسم عليا فقولت لازم أخطب علشان يبعدوا عني.

وفاجأ الفنان الشاب مسلم، مطرب المهرجانات، الجمهور بفسخ خطبته من الفتاة التي كان يعلن عنها باسم “يارا”. وقد جاء هذا القرار بعد أسابيع قليلة من إعلانه عن الخطوبة في حفل بهيج في قصر البارون بحضور عدد كبير من نجوم الوسط الفن.

حذف مسلم جميع صور خطوبته التي احتفل بها منذ أسابيع، من حسابه الشخصي بموقع تبادل الصور والفيديوهات إنستجرام، ما جعل الجمهور يتساءل عن حقيقة فسخ خطبته، كما كتب مسلم عبر ستوري إنستجرام: خلصت يا جماعة.

اقرأ ايضا:

ملاحظة غير متوقعة في مسلسل “خالد نور وولده نور خالد”