«إسرائيل سعيدة أوي».. تصريح مفاجئ من شريف عامر

«إسرائيل سعيدة أوي».. تصريح مفاجئ من شريف عامر

علق الإعلامي شريف عامر على الأزمة بين الفنان بيومي فؤاد وزميله الفنان محمد سلام، بعد اعتذار الأخير عن عدم المشاركة في مسرحية «زواج اصطناعي»، بموسم الرياض بالسعودية.

وقال شريف عامر: «مش لازم الأمور تاخد أكبر من حدها، بقى عندنا عنف لغوي كبير أوي، اللي كان بينتقد بيومي فؤاد كان عنده عنف لفظي كبير أوي، وكمان اللي كان بيؤيده».

«إسرائيل سعيدة أوي».. تصريح مفاجئ من شريف عامر يصدم الجمهور

وأضاف «عامر»: «في النهاية ميصحش إن زيد ينتشي بشيمة عمرو، أو عمرو ينتشي بشيمة زيد، أهم حاجة بالنسبة لينا، إسرائيل سعيدة أوي باللي بيحصل ده، إننا اخترعنا معركة في خلاف وجهات نظر، بس معركة سادها عنف لفظي ثقيل وصعب».

وتابع: «أنا هفضل أستمتع ببيومي فؤاد وأي ممثل تاني، برغم اختلاف موقف البعض معه. الفن المصري موجود على امتداد الخريطة العربية كلها».

وفي وقت سابق، ظهر بيومي فؤاد، في فيديو عبر إنستجرام، قال فيه: «من حقك أنك تعتذر عن المسرحية، لكن مش من حقك أنك تغلط في فنك“.

وتابع: “إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي“.

وأضاف: “محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا».

لمشاهدة الفيديو من هنا:

وأضاف بيومي فؤاد: “إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده.”

اقرأ ايضا:

بيومي فؤاد يتعرض لموقف مفاجئ في السعودية.. ماذا حدث؟