بعد ما قالوا الفلوس غيرتها ،وأصبحت ملكة جمال ومكياج وميكاب ولبس مكشوف ..والكل هاجمها ،لإن طبيعتها وتلقائيتها كانت سر شهرتها من البداية ..
وبعد ما عملت البدع فى نفسها علشان تعجب حبيبها وترجع له وتتخطب .. البلوجر سوزى الأردنية بقيت ماشية مع الجمهور بمبدأ معاهم معاهم عليهم عليهم ،وإنها شغالة عند الجمهور وللجمهور والشكل اللى عايزنى عليه هطلع به بس أهم حاجة الفلوس والأرباح والمشاهدات متقلش عن الملايين ..
رجعت سوزى لعادتها القديمة ويمكن أسوأ كمان ..وبتجرب يمكن ده ياكل مع الجمهور المرة دى بس على مين ؟
ليه سوزى إتحولت كده ؟ ليه بعد ما ظبطت نفسها رجعت لشكلها القديم ولبسها الواسع المبهدل؟ هل حبيبها رفض يرجع لها فرمت طوبته ورجعت لأصلها ؟ مش هتصدق اللى حصلها ..
بعد ما كان شعرها سايح وحرير وشكلها ولا الممثلات وإطلالتها بقيت جريئة .. فجأة الكل إتصدم إن سوزى رجعت سوزى بتاعت زمان اللى ضاربة الأوفر سايز على أى بنطلون ومضفرة شعرها زى العيال الصغيرة وتشوفها تقول سعاد حسنى فى صغيرة على الحب ..
بس ياترى هى صغيرة على الحب فعلا؟ هى من ناحية صغيرة فهى صغيرة طبعا وهى اللى قالت فى لقاء لها قبل كده ،إنها مقتنعة إنه لعب عيال ومينفعش حب المراهقة ،وإنها مصاحبة وبتقول عليه الحب بتاعى لإن كلمة صاحبى ميصحش تتقال لحد بقى ما تحصل الخطوبة ويبقى حبيبها ..
سر التحول الرهيب فى شكل سوزى كان بسبب صاحبها ده اللى هى مش بتعجبه ..فياترى عملت كده علشان ترجع لحبيها ؟ولا السبب فى التغيير ده الفلوس والشهرة زى ما المتابعين قالولها؟
سوزى نشرت فيديو لها على التيك توك مستغربة إن حبيبها سابها ..وقالته سبتنى ليه ده أنا عاملة اللى ميتعملش ومهتمية بنفسي ،وكل يوم بضبغ فى شعرى،وأعمل وتنضيف بشرة ،وجلسات وهارد جيل،روح يا شيخ منك لله عملت لك إيه علشان تسينى ؟ إنا عارفة إنى مش بوحشك اللى بتوحشك الكيرفى بس إنما أنا لأ علشان سفيفة وصغيرة ..
سوزى عندها عقدة من جسمها وكتير بتقول كده إنها بتتعرض للتريقة فى الشارع علشان حجمها قليل وسفيفة كده ..وده مضايقهاو نفسها تبقى كيرفى ومالية مركزها علشان تعجب صاحبها ..راحت وطلبت من أبوها تروح تكشف وتعمل تحاليل وتعرف ليه هى مش بتتخن؟ أبوها قالها العود الفرنساوى أحسن عود أسمعى منى!
وبعد ما أعلنت إن خطوبتهم بعد أيام فجأة لا فى خطوبة إتعملت ولا فى أخبار منها إنهم رجعوا لبعض أصلا .. وبعدها على طول رجعت سوزى بتاعت زمان! وعملت فيديو بتلقح عليه وبتقوله إنه ملهوش لازمة ولا مبدأ وبيعر أى حد يعرفه ..
كمان نشرت فيديو من أحد المولات الكبيرة وهى بتصور البيوتى بلندر وقالت سعرها 400 ج وكانت مضايقة من أن حتة سفنجة ب400 ج ..وهنا الناس إستغربوا من انها بتلعب بالملايين ومش عاجبها اللى ب 400 جنيه ..وبقوا يسألوا هل هى فعلا معاش فلوس ولا بتدعى الفقر؟
تفتكروا بقيت تبهدل فى نفسها علشان التريند والمشاهدات فعلا ،ولا علشان تبقى على مزاج الجمهور ومتخسرش دعمهم وحبهم ولا فعلا صاحبها خلع منها بعد كل التحول اللى عملته فى نفسها فقررت ترجع لطبيعتها تانى ؟ شاركونا فى التعليقات.
