بني ادمة ساذجة.. حسام حبيب يرد على اتهامات

بني ادمة ساذجة.. حسام حبيب يرد على اتهامات
(اخر تعديل 2024-04-05 23:07:08 )

قال الفنان حسام حبيب: “شيرين عبد الوهاب بيني وبينها لما كانت تغضب مبتعرفش هي بتقول إيه وبعد الخناقة تقول لي أنا كنت بقول كده علشان أضايقك، الغلطة إن الكلام كان قدام الناس وهما مش هيفهموا إني اللي قالت له عني مش صحيح ومش هقدر أصلحه ولو الدنيا اتصلحت بيني وبينها هيقولوا رجعوا لبعض علشان ساحر لها أو من الحب ما قتل”.

وأضاف خلال لقائه ببرنامج “ع المسرح” الذي تقدمه الإعلامية إيمان أبو طالب بقناة “الحياة”: “واتقال علينا لما رجعنا أنا وشيرين لبعض أصل متورطين مع بعض في علاقة سامة، أو ماسك عليها حاجات”.

وأكد: “محصلش إني رفعت على بنات شيرين سلاح أو مسدس، مش أنا اللي عملت كده، وشيرين نفسي اتهمتني إني سرقت العربية بس الغضب يعمل أكتر من كده، وهي قالت لي طيب أنت خلاص هتمشي ومش هترد عليا في التليفون لما مشيت طيب شوف بقى غضبي، فيه حب بيقلب ارتباط مش عادي”.

حسام حبيب يرد على اتهامات شيرين عبد الوهاب له

وأكمل الفنان حسام حبيب: “محصلش إني قلت لـ شيرين عبد الوهاب إنها بقت تخينة وشكلها وحش وإنها متعرفش تتكلم إنجليزي وإن شكلها زي أمها”، معقبا: “أنا أكبر غلطاتي مع شيرين أني مكنش ليا طلبات، ولما قلت إني اتجوزت شيرين ومكنش عنها فلوس كان قصدي إنها بني آدمة ساذجة وكل اللي حواليها كانوا واخدين كل حاجتها”.

مقالات أخرى قد تهمك

لماذا رفض حمادة هلال الظهور بشخصية صابر المداح في العتاولة؟

من فيلم سلام يا صاحبي..أحمد العوضي يوجه رسالة خاصة للزعيم عادل إمام