أول رد من ريم طارق على أنباء خطوبتها من فنان

أول رد من ريم طارق على أنباء خطوبتها من فنان
(اخر تعديل 2024-04-14 14:00:13 )

حالة من الجدل الواسع شهدتها مواقع التواصل الاجتماعي، الساعات الماضية، بعد تداول أنباء تفيد بـ خطوبة ريم طارق، طليقة مغني المهرجانات حسن شاكوش، على مغني المهرجانات مؤمن موكا.

من جانبها، ردت ريم طارق على تلك الأنباء عبر خاصية استوري على موقع إنستجرام، وكتبت: “أنا عارفة ومقدرة تماما أن أكل عيشكم هو سيرة الناس والأخبار الكذب بس أنا قولت قبل كدا إن كل الصفحات اللي بتكتب أخبار عني هتخذ معاها إجراء قانوني”.

أول رد من ريم طارق على أنباء خطوبتها من فنان مشهور

وتابعت: “ودا طلب من كل الناس اللي عندي، أي صفحة ملهاش لازمة تقول خبر أنا منزلتوش عندي يتعملها ريبورت.”

وفي وقت سابق، تصدر مطرب المهرجانات حسن شاكوش، مؤشرات التريند، بعد عرض حلقته في برنامج “رامز جابمن الآخر” مع طليقته ريم طارق.

وفي أول تعليق له قال حسن شاكوش خلال لايف عبر حسابه الشخصي بموقع انستجرام: “عايز أقول لجمهوري متزعلوش حقكم عليا كنت عايز أقدم ليكم أحسن حاجة وحلقة حلوة عشان إحنا في جو رمضان وعايز الناس تنبسط”.

وتابع: “وقلت الناس تبقى مبسوطة بالحلقة، وقلت أنا عارف أني رايح لرامز بالرغم أي حاجة هتحصل بس قلت مش مهم المهم الناس تنبسط.”

وأضاف: “أنا اسف على اللى أنتم شفتوه في الحلقة عشان كمان الحلقة مكملتش ومحصلش نصيب، أنا كحسن شاكوش كنت عايز أكمل الحلقة لوحدي، لأن رامز نجم كبير ودي يعتبر 3 سنة أطلع مع رامز وهو محترم، وشكرًا لرامز أنه اختارني من ضمن النجوم اللى استضافهم في البرنامج.”

وأكمل: “بقول لرامز متزعلش وحقك عليا أنا عارف أن كنت عايز تقدم أحلى حاجة لجمهورك، بس ده يثبت للوطن العربي كله أنك أنت مش بتتفق مع نجم، وكنا ممكن عادي نكمل الحلقة بس أننا منكملش الحلقة في مصداقية أني مكنتش أعرف واتفاجئت أن في ضيف تاني”.

اقرأ ايضا:

جمال شعبان يعلن سبب وفاة شيرين سيف النصر المفاجئة