شيرين عبد الوهاب تعترف لأول مرة: أنا كنت في

شيرين عبد الوهاب تعترف لأول مرة: أنا كنت في
(اخر تعديل 2024-03-13 09:49:14 )

قالت الفنانة شيرين عبد الوهاب: “ما كانش عندي رغبة في الحياة إني أكمل ومريت بظروف صعبة كل الناس عارفاها كانت عاملة ليَّ عدم توازن شامل، وكنت ناسية إن عندي بنتين، وما كنتش عارفة أسيبهم لمين ولا لإيه، فالحب دا اللي وقفني على رجلي تاني ومفيش فنان ما بيتعرضش لوقعات في حياته”.

وأضافت خلال لقائها ببرنامج “بيج تايم بودكاست” الذي يقدمه عمرو أديب وأصالة بقناة “إم بي سي 1”: “المرة الأخيرة اللي وقعت فيها كنت حاسة إن العين خلتني أخاف أغني وزعلي كله دلوقتِ بيجي على صوتي وكنت أجرب أغني ما أعرفش أغني، وصوتي راح تمامًا وما كنتش أعرف أغني جملة واحدة على بعضها مظبوطة وكانت عين قوية”.

وتابعت: “أصالة نفسها جاء عليها فترة تطلع على المسرح وصوتها ما كانش بيبقى طالع، وتكلم الدكتور يديها حقنة علشان تعرف تغني، الصوت بيتنظر من العين والحسد، وساعات بيروح من الحسد، وأوقات جيت أغني ما طلعش صوت، وكنت بخاف أجرب وأي حد يقول لي من الفانز يقولوا فينك يا شيرين وغني وأنا أخاف أكتر”.

وأكدت شيرين: “الحب لمني وجمعني حسيت إن دعاء الناس ليَّ بعد لما نزلت حفلة بعد فترة غياب وعملت ختام مهرجان قرطاج الدولي وشُفت التوانسة قابلوني بحفاوة، وكانوا حاطين لي على المسرح 4 كراسي علشان أنا عارفة نفسي إني مش هقدر أقف أكتر من 10 دقايق لأن رجلي كانت بتجمع مياه وما عرفش أقف وجسمي بقى يجمع مياه وتخنت، وقبلت الدعوة بناءً على تواصل سفير مصر في تونس ورُحت الأوتيل هناك وصليت وطلبت من واحدة من اللي بيساعدوني في الكورال تقرأ ليَّ سورة البقرة لأنها طولية عليَّ، وأشكر ربنا إني سمعت صوتي مرة ثانية لأني كنت في كارثة والناس ما يعرفوش اللي حصل لي”.

مقالات أخرى قد تهمك

مفاجأة عن أجر نجيب ساويرس في إعلان محمد رمضان الجديد

السبب الحقيقي وراء خلاف نجلاء بدر ومخرج سامي.. الفنانة تكشف المستور