شيرين عبد الوهاب تكشف قصة السحر الأسود الذي

شيرين عبد الوهاب تكشف قصة السحر الأسود الذي
(اخر تعديل 2024-03-13 20:07:08 )

قالت الفنانة شيرين عبد الوهاب: “لما قريني بيتعبني بشغل له سورة ق، ساعات يجي لي إحساس بالخوف والبكاء من غير سبب، وأقول إن الأوضة دي أنا حاسة فيها ثعبان، دي بتبقى روح شريرة، وفيه ناس بيبقى مرمي ليها في البيت حاجات من ولاد الحرام”.

وأضافت خلال لقائها ببرنامج “بيج تايم بودكاست” الذي يقدمه عمرو أديب وأصالة بقناة “إم بي سي 1”: “لقيت صُرة محطوطة على باب البيت متعلقة في المفصلة وبفتح الصرة لقيت فيها رمل زي البودرة بيضا وجواها مفتاح وده عمل وسحر، والصرة لو فيها رمل بس كنت قلت ده مش عمل، أنا برمي في الأركان ملح خشن بعملات في 3 أركان والرابع لأ علشان الطاقة الإيجابية، ولكن الصُرة اللي لقيتها زي حاجات جاية من المقابر والمفتاح اللي في الصرة طلع مفتاح أوضة نومي علشان يقفل لي كل حاجة اللي في حياتي”.

وأكدت شيرين: “الكل طلع خاين بعد لما اتعمل لي سحر أسود، وربنا سبحانه وتعالى قسمًا بالله بالـ30 و40 إنسان كإن ربنا وقفهم صف وأداهم كف واحد وراحوا كلهم واقعين والكل بانت حقيقته، والمفتاح اللي كان محطوط في الصرة ده يقفل بين الزوجين ويخرب بينهم وسألت عن كده وعرفت”.

وواصلت: “ربنا يحفظنا ويجيرنا وحبيبة قلبي ياسمين عبد العزيز كانت داخلة في كومة وكانت هتموت وكان معمول لها سحر أسود، وفيه ناس مؤذية كتير واحنا بنتأذي جامد، وأنا لا رُحت فكيت السحر ولا رُحت لحد أنا ما عملتش غير إن قراءة سورة البقرة، ودي الشفاء، والقرين سورة ق، وكيس السحر الأسود حطيته في مياه بملح علشان تفك السحر”.

مقالات أخرى قد تهمك

مصطفى كامل يكشف أسرار اللحظات الأخيرة فى حياة الراحل حلمي بكر

سؤال محرج لمحمد سامي عن محمد رمضان.. لن تتوقع رده