مفاجأة.. دفاع أسرة الفنان أشرف عبد الغفور يطالب

مفاجأة.. دفاع أسرة الفنان أشرف عبد الغفور يطالب

بدأت محكمة جنح أكتوبر، اليوم الاثنين الموافق 12 فبراير 2024، ثاني جلسات محاكمة السائق الذي تسبب في مصرع الفنان أشرف عبد الغفور، وإصابة زوجته في حادث سير وقع بمدينة السادس من أكتوبر.

وقال شعبان سعيد دفاع أسرة الفنان أشرف عبد الغفور: لم ترد التقارير الفنية لفحص سيارة المجني عليه والمتهم، وأنا مصمم على ضم التقارير الفنية ومتمسك بدفاعي السابق.

وأضاف شعبان سعيد دفاع أسرة الفنان أشرف عبد الغفور، أنه قدم حافظة مستندات طويت على صور فوتوغرافية للسيارة المملوكة للفنان واضح فيها تهشم كامل من الخلف وهو ما يثبت خطأ المتهم، وصمم على توقيع أقصى عقوبة علي المتهم.

وفي سياق منفصل، قال أحمد محمود، صاحب شركة استيراد وتصدير وشاهد عيان على الواقعة في أقواله أمام جهات التحقيق: أنا قاعد قدام ماونتن فيو عاملين عقد حراسة هناك لاقيت عربية جاية من الطريق بسرعة ولاقيتها دخلت في عربية تانية من ورا ولاقيت العربية اللي اتخبطت قعدت تلف في الطريق حوالى 5 مرات والعربية اللي خبطتها لفت مرة واحدة.

وتابع شاهد عيان على واقعة مصرع الفنان أشرف عبد الغفور بسبب حادث سير: جريت بالكشاف وقفت الطريق وببص في العربية اللي اتخبطت لاقيت فيها راجل سايقها وست كبار في السن ولاقيت الراجل اتحرك من مكانه واتقلب على الكرسي اللي جنب السواق فوق الست ونزلناه من العربية وكان فاقد الوعى بس كان عايش وبيتنفس ومراته كانت كويسة وبتتكلم بس متاخدة من الحادثة فطلبنا الإسعاف وجم وخدوه ومشيوا.

وأضاف الشاهد في أقواله بالتحقيقات: في نفس الوقت الراجل اللي خبطه كان نزل من العربية وفضل قاعد جنبها ولحد ما كان في ضابط من القسم جه وبعدها لاقيت الإسعاف جت وخدت الواد اللي كان سايق اللي خبط الراجل وطلعت على المستشفى وكان معاه ضابط وبعدها جات النيابة عشان تسأل وبس دا كل اللى حصل.