قصة تحول إبنة رانيا يوسف لرجل تثير الجدل فما

قصة تحول إبنة رانيا يوسف لرجل تثير الجدل فما

بنت الفنانة رانيا يوسف تتحول لـ راجل!.. عادي كده والمجتمع ملوش دعوة بحياتها الشخصية.. هذا ما قالته بلسانها كما قالت أنها ليس لها حظ في الرجال.

ومش عارفة تلاقي شريك حياتها لحد دلوقتي.. والسنة اللي فاتت حصلها أزمة مالية كبيرة جداً ومكانش عندها في البنك غير 70 جنيه.. يلا بينا نعرف الحكاية.

معروف عن رانيا يوسف إنها مثيرة للجدل وحياتها مليانة تفاصيل كتير والمرة دي مش هتكون هي مسار الجدل بس لأ ده بناتها كمان اللي قالت عنهم هدعم الاتنين في أي قرار في حياتهما الشخصية مش واحدة بس يعني لو بنتها عايزة تتحول لراجل هتدعمها في أي قرار هي عايزاه وأي قرار يسعدها ويريحها ومبيأذيش حد والمجتمع مالوش دخل في حياتها الشخصية ولا أولادها وكل ده عشان هي حاجة وبناتها حاجة هما مش ملكها وهما اللي هيتحملوا نتيجة قراراتهم.

خدعة الخطوبة

رانيا يوسف مش بس ملهاش حظ مع الرجالة عشان اتجوزت أكتر من مرة وكل مرة يحصل انفصال ومتكملش وفي جوازة منهم خلفت البتين وقالت دول اللي طلعت بيهم من الدنيا.. وفي مفاجأة كمان إنها وقت ما كانت شغالة مضيفة طيران حبيت كابتن طيران وكانوا بيطلعوا رحلات مع بعض وكانت رومانسية أوي واتخطبوا وبعد سنة ونص اكتشفت إنه متجوز ومخلف.. حظ حظ يعني.

رانيا يوسف عارفة إن ربنا اداها الجمال بس المقابل اللي اللي ربنا اداهولها إنه حرمها تلاقي شريك حياتها وقالت إنها زهقت من كتر الكذب والتلون وطول الوقت مبيبقوش حقيقيين البدايات بتبقى لطيفة وبعد كده بتكتشف إن الشخص مش حقيقي.

والسنة اللي فاتت رانيا يوسف اتعرضت لأزمة مالية ومكانش عندها غير 70 جنيه في البنك ومكانش عندها شغل ومسؤولياتها كتيرة جداً ومفيش فلوس وسندي الوحيد ربنا.. وشايفة إنها لازم تشتغل علشان في مسؤوليات.