أعلنت الفنانة زينة، خبر مفاجئ للجمهور بشأن مسلسلها “ليلة” ، والذي عرض قبل عامين على منصة شاهد وحقق نجاحا كبيرا.
وقالت زينة: “قناة BBC هتقتبس مني مسلسل الليلة واللي فيها، وهيتم تقديمه بممثلة أجنبية في إنجلترا، ودي أول مرة تحصل في مصر أن دولة تانية تاخد أعمال مننا.”
زينة تعلن خبر مفاجئ للجمهور.. ما هو؟
وعن سبب اتجاهها لـ “المنصات” قالت: ” أنا بالنسبالي المنصات مكنتش بتفرج وبعدين اتفرجت ولاقتها حلوة ولما عملت 6 حلقات كأنهم 6 أفلام كل حلقة لوحدها.”
وفي وقت سابق، ردت الفنانة زينة، على تعليقات الناقد الفني طارق الشناوي حول أعمالها الفنية.
وقالت زينة خلال لقائها ببرنامج «الحكاية» مع الإعلامي عمرو أديب: «لي طلب عند استاذ طارق الشناوي احنا ما عندناش كذا حد يقدر يعمل اللي بيعمله أحمد السقا، ولما تنتقد انتقد العمل كله، ويبقى فيه نقد بناء، أنا بعزك جدًّا بس بقى لك فترة فيه تجاوزات في نقدك حتى عنى».
وأضافت: «بقول لطارق الشناوي اتكلم عن العمل ما تنتقدنيش أنا، هو قال إني أنا سِبت البطولة المطلقة ورُحت أعمل مشهد في العتاولة، لأ، أنا ليَّ الشرف أشتغل مع نجوم زي أحمد السقا وباسم سمرة وطارق لطفي».
تابعت: «بحترمه جدا وبحبه، وصديق شخصي، وعايزة أطلب منه طلب، ميمشيش ورا الناس والسوشيال ميديا» مستكملة «برضو انتقدني في مسلسل الليلة واللى فيها ودخل على حياتي الشخصية، انت مالك بيا المفروض تنتقد العمل نفسه، مش عن طموحك الشخصي فيا وعن حاجه شخصية فيا».
اقرأ ايضا:
صدمة للجميع.. وفاة فنان شهير بشكل مفاجئ
